Diphu City Rap Christin Teron

HARLONGBI-VELONGBI:

(Adam Asar Aporom Kirimdun cheng alamo)

Hako ahut Langkumphang aroi arai Ru Kasen kikim kerang tekang arong Miring Rongsopi (Muring-Murong) dolo. Miring Rongsopi henlo Karbi atum kedo kecheng si arong lo. Labangso arong along Karbi akhei aphan jutang-jubat, karkli-kaphejo, aron-atang kethan ji aphan sining angsong kedo arnam pharo atum chingvai lo lapen kchingvai ateng pen Hemphu lapen Rasinja jirklekle banghini aphan nangtoi lo. Halaso ahut Miring Rongsopi arong asar Rang Mukrang lapen asopo Long Mukrang pu do. Penang an aningkan aphi Hemphu angjirpi Rangsina pen Long Mukrang si chepangri chepangdon lo.

Arnisi Jangsuk aroi arai Teron Rongsopo arong Harbamon asor Harlongbi Timung lapen Velongbi Ingti jirpo banghini langkung ariri juidam si ason son alam chethan ponbom dambom lo. Lapuson ahut langthak kedo Akli Rongsopi asor peh ri kechok, kejo pen aber lang kepater thek dun longlo. Lason thekdun long pen arnivang ta Miring Rongsopi asor lang kepater ajok langber asor ke suva suti kedo alang lok si kijun nang lo pusi Harlongbi lapen Velongbi angbong chethan lo lapen lason ke chechak ver nangne pusi chingvai lo. Laso aphi Longkamar along Chong, Nok heihui risim chohang damsi Miring Rongsopi arat aphan ron thama kepado ji pusi Harlongbi lapen Velongbi angbong lam cheparai lo. Laso cheparai ateng pen Harlongbi lapen Velongbi atum Longkamar ahem risim apuru pen Chong sarpi lapen Nok sarpi endam si Miring Rongsopi anat ron aphan bar lo. Lason dambom ahut tovar arai marle arong abin kesang inut arta kedopik asarpi aphan chetong lo. Sarpi abang Harlongbi lapen Velongbi aphan ron kedam thekdun long si khangdun chek lo lapen lason kaheno asai klemri pu pudun lo. Mo pirthe kangtang longleh kangtang ahut nangnong nangthang junodet po pusi lam pare dun lo lapen labangso alar Miring Rongsopi dun pen Adam Asar kangthur asai le langdun noi pusi pinkhat lo. Adam Asar kangthur alir alon langdun pen labangso aron kacharli lapen kepachethang asai le klem lote momo pirthe kangtang longleh kangtang ahut ta nangnong nangthang chethang klong po pusi lam thandun lo.

Sarpi kethan ateng pen Harlongbi lapen Velongbi banghini ta aning kematha chelarphit lo lapen risim cheo si Miring Rongsopi an pale dunlo. Hadak lerok pen Hemphu lapen Mukrang atum bongchin-bongkrok pen manpeng kachipi lapen kachardom alon kachipi thek dun longlo. Harlongbi lapen Velongbi atum Adam Asar kangthur aron langdun pame lo lapen charlidun pame lo. Laso aphi Miring Rongsopi arong kedo Musi Mulongki ahem pen bongchin-bongkrok achili vansi Harlongbi lapen Velongbi methang ahem chevang lo. Tovar vangbom si kelak pen elong adim kesang ahut Harlongbi lapen Velongbi angbong chingvai lo. Harlongbi aso akleng pinso lapen Velongbi aso akleng arloso mo the dinglote Miring Rongsopi asor keklem asonsi Adam Asar ingthur nang pusi lamchak chipi lo.

Arnisi Harlongbi lapen Velongbi asomar atum the ding lo lapen latum angbong kachingvai ateng pen Harbamon arong along Porom Alun lun pensi Adam Asar ingthur lo. Hemphu atum kapinchong tekang asonthot si Harlongbi lapen Velongbi ta bongchin-bongkrok pen chardom chardi alon chipi lo. Laso Adam Asar keklem ahut tebok terai kado kave arong arat ta nangchetong dunlo lapen kelang aning cheparong dunlo. Labangso arni Harlongbi lapen Velongbi atum chok lim, ingthimlim pensi Hemphu kethan tekang ateng pen Adam Asar keklem pachun lo. Labangso Adam Asar kelang alon kedo ong rat det chethang lo lapen "Harlongbi-Velongbi Ajutang" pusi amen pachethang lo.

Harlongbi-Velongbi akai ahut joike pen lapen alon dojot pen Adam Asar ingthur lo. Halaso ahut penta ili Karbi atum ke asopi aphan apo apei ahem pen kelo dun oh ason amung ave lasi pini arni anta pinso ahem asor atum ta labangso aputhak ardi pi oh eh. Harbamon arong Adam Asar klemkle aphrang ta Miring Rongsopi along ke Adam Asar klembom lo, bonta alir alon kipi pen ingthim lim Adam Asar ke Harlongbi lapen Velongbi si kangthur lo. Lasi Adam Asar ke Harlongbi lapen Velongbi henlo kepachethang cheng atum lo pusi Karbi arat kroi rinti lo. Pini arni anta Karbi atum "Harlongbi- Velongbi" ajutang pensi Adam Asar aron klembom lo.

Kepangrum- Debeswar Singnar

Rong- Volongkom Aji, K/A

Published by Christin Teron

Diphu City Rap Christin Teron

Christin Teron (born January 08, 1996), better known by his stage name Diphu City Rap, is an Indian Karbi rapper, musician, youtuber, singer, songwriter, and record producer. Diphu is the Capital of Karbi Anglong. Christin Teron wanted Diphu to become City, therefore, He named his stage name Diphu City Rap Christin Teron.

Early Life

Christin Teron, was born on January 08,1996, in Pensing Teron Christian Village, Near A.G. Church Diphu, his parents & families love his rapping style and always supporting him. His father Rev. Philip Teron is a Church Pastor A.G. Church Diphu & his mother Mrs. Kare Taropi is a house wife, both they're soft & kind-hearted

Relationship Status

In a Relationship with Miss Rima Engtipi (upcoming singer) since 2021

Famous

Christin Teron rose to fame by making funny rap songs & funny videos on YouTube. He inspired from Eminem and DAX.

His first official video "Hello Kajok" Was released in the year 2015 sponsored by S.K. Production & Mr. Daniel Engty (Music Producer, Folk Artist, Vocalist at Jambili Band) at Karbi Youth Festival, Diphu, the biggest festival of the Karbi community.

He performed live at many places still people demanding him to perform.

Artist name : Diphu City Rap Christin Teron

Genre : Rap